ՄԵՐ ՊԱՏՄՈՒԹՅՈՒՆԸ
«Matevosyan Wine» -ը ընտանեկան գինեգործական արտադրություն է: 2001 թվականին Վահրամ Մաթևոսյանը, հիմնելով գինու գործարան Վայոց ձոր մարզի Աղավնաձոր գյուղում, սկսեց գինու արտադրություն։
Վայոց ձորը Հայաստանի ամենախոշոր խաղողագործական և գինեգործական տարածաշրջանն է, որն առանձնանում է իր հայտնի Արենի և Ոսկեհատ (Խարջի) խաղողի սորտերով։ Ընկերությունն Աղավնաձորում ունի 120,000 քմ տարածք զբաղեցնող խաղողի այգիներ, որոնք գտնվում են ծովի մակարդակից 1,400 մետր բարձրության վրա։
«Matevosyan Wine »-ը արտադրում է ինչպես խաղողի, այնպես էլ նռան գինիներ՝ չոր, կիսաչոր և կիսաքաղցր կարմիր տեսակներով՝ համադրելով նորագույն տեխնոլոգիաները և գինեգործության ավանդական մեթոդները։ Տարիների ընթացքում ընկերությունը ձեռք է բերել բարձրորակ գինիներ արտադրողի համբավ և վայելում է սպառողների վստահությունը՝ թե՛ Հայաստանում, թե՛ արտերկրում։ Ընկերությունն արժանացել է բազմաթիվ մրցանակների, քանի որ նրա գինիները համապատասխանում են միջազգային որակի չափանիշներին։ «Matevosyan Wine»-ը իր արտադրանքը արտահանում է ԱՄՆ, Ռուսաստան, Բելգիա, Ֆրանսիա, Կանադա և Լիբանան և ակտիվորեն ծրագրում է ընդլայնել իր շուկաները մոտ ապագայում։
