ՊԱՏՄՈՒԹՅՈՒՆ
Բարի Գալուստ ՙՙՄաթևոսյան Վայն՚՚ Ընկերության կայք
ՙՙՄաթևոսյան Վայն՚՚ Ընկերությունը ընտանեկան գինու արտադրություն է: Ընկերության հիմնադիր Վահրամ Մաթևոսյանը 2001 թ-ին Վայոց Ձորի մարզի Աղավնաձոր գյուղում կառուցելով գինու գործարան՝ սկսել է զբաղվել գինու արտադրությամբ:
Գինիները ներկայացված են պրեմիում դասի լայն տեսականիով: ՙՙՄաթևոսյան՚՚ ընկերության գինիները արտադրվում և շշալցվում են Վայոց Ձոր մարզի Աղավնաձոր գյուղում, ըստ գինեգործության ավանդական մեթոդների՝ օգտագործելով միայն այդ տարածաշրջանում աճող խաղողի սորտեր:
Ընկերությունն ունի Արենի տեսակի խաղողի շուրջ 120.000 մ² այգիներ, որոնք գտնվում են Աղավնաձոր գյուղում, ծովի մակարդակից 1300 մ բարձրության վրա: Աճեցված խաղողն օգտագործվում է սպիտակ անապակ, կարմիր անապակ, կիսաչոր և կիսաքաղցր գինիների պատրաստման համար, ինչպես նաև արտադրվում է նռան կիսաքաղցր, կիսաչոր և անապակ բնական գինիներ: Արտադրության գործընթացում ընկերությունն օգտագործում է ժամանակակից սարքավորումներ: Գինու արտադրությունն իրականացվում է հիմնականում ավանդական եղանակներով:
Ընկերությունը վաստակել է բարձրորակ գինիներ արտադրողի համբավ և արժանացել հայկական և արտասահմանյան շուկայի գնահատանքին: ՙՙՄաթևոսյան Վայնն՚՚ արժանացել է բազմաթիվ պարգևների, քանի որ արտադրված գինիները համապատասխանում են միջազգային բոլոր չափանիշներին: Ընկերության արտադրանքն արտահանվում է ՌԴ, ԱՄՆ, Լեհաստան, Կանադա, Ֆրանսիա, Լիբանան, Բելգիա և եվրոպական այլ երկրներ:
